北韓欲切斷兩韓通訊 表示和南韓"已經無話講"

「朝鮮半島」的局勢,又閣再有風雲變化。早起,北韓官方的媒體發表講,因為南韓一直據在遐的進前「脫離開」北韓的人士,佇咧兩爿國土的界線彼搭,放「反對共產黨」的宣傳單,今南北韓互相中間,一切聯絡的管道,ﰀ這爿也決定,自中晝開始就攏總欲斷。
 
南北韓的局勢,變化萬項。進前兩爿互相講和有設一間聯絡的辦公室,結果昨昏早起就發生,北韓有史以來頭一擺,毋愛欲聽南韓彼爿敲來聯絡、相揣的電話。另外,北韓的領導人金正恩,佇咧主持「中央政治局」的會議彼時,也全攏無去講著,關係南韓的話題,尤其今北韓閣宣佈,欲將兩爿聯絡的管道攏總切斷。這當陣「朝鮮半島」的局勢,到底會按怎樣變化,國際上,也攏斟酌咧關心。





 

全台敬老金大調查

相關新聞