克服屏東氣候.環境 魏德義種榴槤.品質讚

屏東崁頂的農友魏德義,七冬前和兄哥做伙建設一片榴槤農場。雙人克服氣候的環境,踮屏東種榴槤,毋但無輸進口貨,近來也漸漸會當穩定生產,按算7月就會大出。 

一粒閣一粒大閣媠的榴槤,種佇咧樹仔頂。遮是屏東縣崁頂的農場,專門來生產本土的榴槤。農友魏德義講,7冬前,伊和阿兄做伙買這片地。彼時陣,遐有真濟人咧種弓蕉。毋過,in煞決定種濟濟人愛食、台灣無人種的榴槤。對「金枕頭」開始種,到這馬園區內底品質傷好、數量傷濟的「貓山王」,攏通看著in的心血。

魏德義強調,台灣的榴槤,品質絕對袂輸予進口的。伊種榴槤,予民眾通佇產季食著著時的榴槤。最近iah有穩定的產量,按算7月著通大量生產。

未來魏德義嘛向望共技術,分享予農民朋友,予逐家會當食著台灣本土生產的榴槤。