海洋廢棄物濟 塑膠糞埽.浮球.漁網損害環境

臺灣海岸線頂頭的糞埽,其中塑膠的占上濟。佇彰化線西有一位民眾,共浮筒仔、浮球,這寡海洋廢棄物,變做古錐的寶可夢,做伙來看覓。

大大隻的卡比獸、龍貓、猶閣有真濟無仝的寶可夢角色,遮攏是用廢棄的浮球,重新結合做成的。

除了傑尼龜猶閣有這隻,真受大人和囡仔佮意的喵喵,嘛是用濟濟種的海洋糞埽做的。

根據綠色和平統計,牢佇台灣海岸邊的糞埽,塑膠糞埽佔上濟,閣來就是漁業廢棄物,親像保麗龍、漁網仔佮浮球,為著減少海洋汙染,彰化縣西藝術家黃興文,甲頭殼動對浮球去,因為後生足愛寶可夢,定傳寶可夢角色的圖予伊,這陣成做是伊創作的源頭。

黃興文講伊為電子產業退休了後,這陣轉來線西掠魚仔、種田,無煩無惱,閒的時陣,就惦厝揙遮的藝術創作,最近也有人替伊辦展覽,將遮廢棄藝術品的概念分享予閣較濟人。

全台敬老金大調查

相關新聞