照顧弱勢學生 虎尾安溪里長蔡朝忠辦輔導班17冬
發布時間：
更新時間：
雲林虎尾安溪里的里長蔡朝忠，為著弱勢學生；辦理社區課後輔導班；已經17年矣，受里長照顧的囡仔，已經超過1000位，這陣也爭取著社會企業的支持，希望予囡仔有讀冊的環境，有開闊的人生。
囡仔兄囡仔姊坐做伙，佇社區的活動中心讀冊、寫功課，這些囡仔有的因為厝內經濟較BAI2、或者是家庭功能有欠缺，較無人顧，雲林虎尾鎮安溪里長蔡朝忠煩惱囡仔的安全和發展，17年前，開始佇社區開輔導班，學生為學校下課，就會使有一个做伙TSHIT THOO5、學習的所在。
安溪里長蔡朝忠這陣已經照顧1000个孩子，為著提供閣較全面的照顧，伊也專工揣基金會合作，增加輔導班的資源和人力。
安溪社區因為佇咧推動兒童的教育和家庭照顧方面，真有心，毋那成作當地的典範，這陣結合社會企業，欲予囡仔有閣較健全的輔導制度和系統，望未來社區會當延續長輩和囡仔互相看顧佮學習的精神。
安溪社區因為佇咧推動兒童的教育和家庭照顧方面，真有心，毋那成作當地的典範，這陣結合社會企業，欲予囡仔有閣較健全的輔導制度和系統，望未來社區會當延續長輩和囡仔互相看顧佮學習的精神。
