樹枝做文昌筆.鎖匙圈仔 送國校畢業生做紀念


臺南市新營區新橋國校,慶祝設校一百冬,今校長佮老師,就tshuā學生囡仔,共學校內樹欉,修剪落來的樹椏,有的做「文昌筆」,有的做「鎖匙圈仔」,實在是真特殊,閣真有意義的畢業禮品。


一塊一塊刻無仝花草,柴做的鑰匙圈仔,逐个就真幼路,遮攏是用校園鉅落來的樹身,削做一塊一塊,落去設計的。台南新營區新橋國小已經有一百年的歷史矣,學校種的樹仔,也有真濟欉年歲超過一百冬,為著保留遮大自然的資源,校長就重新閣再運用遮的天然資源。


佇創作的過程,發現樹仔的價值,校長也tshua學校的老師和囡仔,佇學生畢業進前,予囡仔兄囡仔姐家己主張柴的形體和長度,用樹枝做文昌筆,替家己留一个紀念。


佇校園中實現美術的概念,新橋國小的老欉這陣毋那有新的價值,鑰匙圈頂頭的圓箍仔號,也變做是專屬於學生和學校特殊的記持。

記者 綜合報導
 

全台敬老金大調查

相關新聞