南投囡仔做語言復健ﰣ迌物 著發明賽金牌


南投竹山鯉魚國小,佇青少年發明比賽,閣再提著全國金牌,佇今年九月;著欲代表臺灣、去俄羅斯比賽。
 
共電子版頂頭的字唸出來,系統會來辨識干有正確,若是正確旁邊這隻猴山仔就會振動。這是南投竹山鯉魚國小學生設計的玩具,會當訓練剛在學講話的囡仔跟語言障礙的病人,而且這項設計閣提著世界青少年發明比賽台灣區,國小組的金牌,準備代表台灣去俄羅斯參加國際比賽。

囡仔用兩個多月的時間設計出來,過程中遇到真多大大小小的困難,毋過īn堅心要共這項會當幫助真多人的互動竹玩具做出來。

其實鯉魚國小,已經不是第一次來參加國際比賽,學校設計這種課程,來刺激學生囡仔思考的能力,毋但會當予īn發揮創意,嘛培養īn解決問題的能力。今馬利用竹子融合科技變出這項語音辨識的竹玩具,不只實現īn想要共人鬥相共的理想,嘛向望在咧世界比賽,完成替台灣爭取榮光的夢想。

全台敬老金大調查

相關新聞