經銷西瓜超過50冬 許東水出名gau5揀西瓜

熱人就欲到矣,啉一杯西瓜汁,清涼退火。雲林西螺有一个西瓜大王許東水,賣西瓜超過半世紀,堅持干焦賣第一季的特選瓜,口感沙沙,甜閣好食。受疫情影響,店內暫時無欲賣西瓜切盤,降低感染風險,毋過民眾對這間老牌西瓜店,猶是真支持。


一粒一粒,大大粒的西瓜,用紙箱仔貯甲好勢甲,拄送到位,雲林西螺鎮,予人叫作西瓜大tAi王的許東水tong sui2,無閒tshi2,鬥替人客挑西瓜,另外一爿有人無閒切西瓜、有人鬥絞果汁。天氣愈來愈燒熱,民眾食著西瓜許掛保證的西瓜,攏講心涼鼻透開。

一塊一塊切好的西瓜,一盒只賣50,西瓜汁一杯25,20偌冬來毋曾起價,西瓜許挑的西瓜,逐粒都媠,逐喙都甜,閣食會著點薄仔沙沙。賣西瓜超過半世紀的許東水,因為對挑西瓜真在行,逐家攏叫伊西瓜大王─西瓜許東水講,伊只賣第一季的特選瓜,因為肉質上好。

這陣受疫情影響,店內暫時無賣歸盤切好的西瓜,希望降低感染風險,店內也加強消毒,雖然病症猶咧湠,衝擊濟濟產業,不過人客對西瓜許這間老店,猶是誠支持。
 
記者 綜合報導

專題|全台敬老金大調查