原定10月欲換發數位身份證 今確定延期

本底,內政部按算今年10月,就欲開始共民眾換一款新型的「數位身分證」,毋過因為這遍武漢肺炎的災厄,內政部的花敬群次長今就講,工課已經有去誤著,閣來進度按怎樣掠,也是著愛看國內外,病症咧湠的變化才閣拍算。

內政部也表示講,新發的「數位身分證」,會當予民眾家己揀看,敢欲結合目前的「自然人憑證」彼張卡片,敆做伙運用。抑一切使用的資料,嘛干焦會留踮佇咧,有去感應著這張「數位身分證」的公家機關,袂送轉去內政部內底,所致也袂去侵害著民眾的隱私,也無牽涉資訊安全的問題。





 

全台敬老金大調查

相關新聞