彰化保安宮成立少年鼓陣 延續傳統文化

彰化和美竹營里的保安宮,原本就有大鼓陣與神將團的陣頭,廟方為著延續傳統廟會文化,特別閣成立青少年開路鼓團,希望民俗文化會使閣代代相傳。

少年囡仔真認真咧練習挵鼓,其實in攏是廟裡開路鼓的成員。彰化和美竹營里的保安宮,原底就有大鼓陣和神將團這寡陣頭,毋過因為成員的年歲愈來愈大,廟方tsua̋n閣組一个由國中、國小的學生,所組成的少年開路鼓陣。

少年開路鼓陣的成員,in本身攏對民俗文化誠有興趣,而且攏是保安宮廟方幹部的囡仔,自細漢就綴序大人佇廟會活動出出入入。

這寡少年鼓手,平常時佇學校認真讀冊,放假的時陣才會做伙練習,向望用in的熱情,予傳統的廟會文化,會使一代紲一代傳承落去。

相關新聞

專題|全台敬老金大調查