紫斑蝶會搬徙，是臺灣真特殊的動物現象，咱也做伙來看，佇雲林的民眾，是按怎保護遮的紫斑蝶。


逐年清明的時，規陣的紫斑蝶就會飛到雲林林內的觸口，歇冬的時間結束，欲往北飛。林中國校的老師佮學生，就開始咧幫紫斑蝶攢食的。種紫斑蝶愛食的植物，予in來吸蜜，今年飛來學校的蝶仔，會使佇遮好好歇睏矣。


真濟囝仔攏是頭一擺種花種草，聽到是欲予蝶仔補充體力的食物，逐家更加細膩。


冬天過了，春天來矣。遮的臺灣原生種的紫斑蝶就會從高雄茂林開始，上遠會飛當到新竹去。三、四月飛過林內，學生和老師欲做伙迎接遮的、逐年春天上古錐的人客。


記者 綜合報導