雲林路段國道三號設置遮網仔 保護紫斑蝶

春天來矣,臺灣原生種的紫斑蝶歇冬結束,規陣準備欲往北爿飛。清明會飛到雲林林內,是逐年春天上水的風景,國道三號會設置網仔,保護遮的蝶仔,林內鄉公所種袂少紫斑蝶的「蜜源植物」。附近的林中國小的老師和學生,嘛做伙種紫斑蝶愛食的植物,唌來吸蜜。今年若是有經過學校的蝶仔,就會使佇遮好好歇睏、補充體力矣。


逐年清明的時,規陣的紫斑蝶就會飛到雲林林內的觸口,歇冬的時間結束,欲往北飛。林中國校的老師佮學生,就開始咧幫紫斑蝶攢食的。種紫斑蝶愛食的植物,予in來吸蜜,今年飛來學校的蝶仔,會使佇遮好好歇睏矣。

真濟囝仔攏是頭一擺種花種草,聽到是欲予蝶仔補充體力的食物,逐家更加細膩。

冬天過了,春天來矣。遮的臺灣原生種的紫斑蝶就會從高雄茂林開始,上遠會飛當到新竹去。三、四月飛過林內,學生和老師欲做伙迎接遮的、逐年春天上古錐的人客。

記者 綜合報導
 

相關新聞

專題|全台敬老金大調查