臺南白河木棉花道邀請鸚哥團體 豐富活動


臺南白河,林初埤遮,有一逝專門攏種木棉花的路,是捌予人封做「世界春天十大上蓋媠的城市風景地點」,今臺南市,今年閣特別邀請咧飼「金剛鸚哥」這款鳥隻的團體,來到滿四界攏是木棉花,這逝道路頂頭,放鸚哥落去飛,看著是美麗,又閣壯觀。



這十外隻金剛鸚哥聽著主人的口令,佇仝一个時間同齊飛上天頂,場面實在真壯觀。這寡鸚哥集體放飛的所在,就是佇臺南白河的林初埤木棉花道。

==臺南市議員 李宗翰==
馴鳥師他可以透過吹口哨
或是叫牠的名字
牠就會從我們木棉道花海之間
這樣一路這樣子飛過來
那其實跟小朋友來講
他們也是一個生態的教育


為著欲替白河林初埤木棉花季加添話題,今年特別邀請金剛鸚哥的鳥友團體,做伙來替活動贊聲,嘛予民眾大開眼界。鳥友表示,金剛鸚哥是一種真古錐閣真巧的鳥仔,從小隻的時就開始訓練,沓沓培養感情了後,就會曉聽人的口令,放飛了後嘛箍會轉來。

==鳥友 阿富==
因為牠是屬於野生動物
飛行是牠們天生的能力
我們訓練主要是讓牠知道
怎麼回到我們身上


捌予人講是「世界十大春季上媠城市景點」之一的白河林初埤木棉花道,這改金剛鸚哥佇遮放飛,拄好和美景互相配合,嘛成做地方上媠的畫面。

記者 綜合報導

 

九合一選戰解析

相關新聞