喙罨趕工 有工廠發生機台切斷員工中指意外

喙罨欠貨,彰化縣田中的華新工廠,今是日夜都咧趕工。昨昏下晡四點外,一个當佇生產線咧當值的查某作業員,煞去予機台夾著正手中指的第一截,同事嘛趕緊共伊送過去病院急救。


這个今年58歲,姓顏的查某作業員,佇咧生產喙罨的「華新工廠」,已經做超過14冬囉。昨昏下晡,咧輪第二班生產線,負責出品彼款縛帶仔「外科手術喙罨」的時陣,煞去予機臺,夾斷「正手中指」的頭一截。同事眾人嘛趕緊鬥止血,閣將斷去的指頭仔,用冰角包起來,即時共伊送去病院急救。經過醫師判斷,決定將著傷的彼截指頭仔,切起來,尾手會閣取皮膚,手術掩起去,按呢生,別日仔復原才會較緊。


 

相關新聞

專題|全台敬老金大調查