楊蕙如涉嫌操作網軍受起訴 今頭擺出庭


進前,檢察官調查,日本因為風颱,中國有派車去「關西機場」接送國民彼層代誌。予人稱呼做「卡神」的楊蕙如,敢是有操作網路的風聲,惡意攻擊咱國駐日本大阪的辦事處,今仔日早起,臺北地方法院,已經有傳伊出庭接受訊問。
 
==記者 vs. 楊蕙如==
你今天會認罪嗎
你是不是有養網軍



面對媒體咧問起,楊蕙如全無回答。這也是舊年12月,楊蕙如去予人起訴了後,頭一擺公開露面。/檢察官的起訴書內底指出講,2018年「關西機場」的事件發生,網路留言板PTT,內底一个網友名叫「idcc」,發表文章,來源的所在,正正就是楊蕙如的手機仔。/抑昨昏,楊蕙如是有佇咧Facebook頂頭寫講,彼當陣是中國的網軍,製造謠言,伊本身也是受人誤導,閣講會提出證據,爭取司法的清白。/目前,這層案件,猶閣佇咧審理當中。




記者 曹晏郡 邱福財 台北報導