臺中大甲溪邊種出"東京蔥" 清甜品質好受歡迎

臺中市的大甲溪遮,因為塗肉含沙濟、排水閣好,種出來的日本蔥仔,號名予做「東京蔥」,規枝是長篙閣幼,有湯閣鮮甜。今年,臺中的豐原遮,嘛頭一擺舉辦「東京蔥」的評判比賽,農會閣講,紲落去嘛會和超級市場合作,予各地頭的民眾圍爐的時,攏有通食著這款「東京蔥」的好氣味。



共蔥仔切予大塊大塊,配豬肉攪飯,香閣營養,猶閣有這齣蔥白佮雞肉,幼路的料理,也蓋心適,遮的蔥仔料理,毋那予人食會著東京蔥這種蔥仔品種的甜度和脆度,閣食會著蔥仔評鑑認證一等一的品質。

==僑光科技大學餐飲學系助理教授 林森湖==
大蔥我們把它用低溫料理 舒肥烹調
它的這些硫化物 就會轉化成甜份
非常的甜 非常的好吃

台中豐原今年頭一擺舉辦大支蔥仔評鑑比賽,蔥仔的外型、口感、品質攏是評分的重點,包括豐原區、潭子區、后里區及大雅區等4家農會共20組農友參賽。台中大甲溪附近,因為土壤含沙量高、排水性好,土真肥,豐原種蔥仔面積就有欲12公頃,種出來蔥仔粗閣飽甜,也出真濟蔥仔王。

==評審委員 戴振洋==
所以我們用一些標準的這個設備
來去測它的甜度
==日式超市董事長 謝明達==
我們公司來出錢
我們不是叫農會來出錢
讓我們能替台中做一點事
替農民做一點事

台中豐原農會也趕佇舊曆過年進前,和日本超市合作,共優質的蔥仔拆做一枝一枝賣,希望予民眾過年圍爐食火鍋,會當食著農民用心種的蔥仔,歸年通天好彩頭。

記者 綜合報導
 

全台敬老金大調查

相關新聞