食農教育是今馬真濟人捒的一種教育方式，雲林縣麥寮海豐分校佮海豐社區合作，規劃幾落塊農地，供長輩種作、活動活動，也予學生囡仔親身落去田裡挽菜，閣老大人做伙包水餃，了解逐頓飯攏是真濟人的付出才食會著的。


一粒米，百粒汗，現代社會的學生囡仔無作穡過，毋知影逐頓食的菜是按怎來的，雲林縣麥寮國小海豐分校就社區內底，予學生囡仔親身去田裡收欲食的菜。



田裡這寡菜蔬是麥寮海豐社區老大人，辛苦種出來的，平常時仔會提來共社區去加菜，現在閣佮學校做伙做食農教育，予這塊菜園閣較有意義。

==海豐社區總幹事 許文碧==
社區農場裡面有種一些菜
志工媽媽種的 讓他們來體驗

==學生==
可以讓我們再一次的學到
這一些割東西的知識
還有他要怎麼再重新生長的知識


毋但按呢，學生挽轉來這寡菜，會提來做包水餃的材料，在社區內底，學生囡仔跟老大人做伙包水餃，毋但真心適，閣會當予學生一步一步，體驗對產地到做成食食的過程。

==麥寮國小海豐分校教師 黃瑞祥==
除了在教室內
有一個在課堂外 包含種植的地方
以及在廚房實作
以及戶外的觀察

==學生==
爺爺奶奶陪我們一起種菜切菜
跟包水餃
讓我們學習到一分耕耘一分收獲
也讓我知道要愛物惜物
更謝謝爺爺奶奶智慧的傳承


海豐社區和海豐分校做伙活動，除了予學生行出校園，體驗教室外的風景，對社區的老大人來說，佮囡仔做伙tshit　thô，嘛是趣味閣快樂的一工。

記者 綜合報導