彰化縣辦競賽活動 序大設計服裝展現自信


彰化縣政府舉辦社區照顧關懷據點成果競賽活動,秀水鄉頭前社區的老大人家己做衫,用報紙佮垃圾袋做表演服裝,綴音樂跳舞,古錐閣活潑。




老罔老,嘛猶閣會哺塗豆,面對高齡化社會,社區內底有越來越多老大人,毋過佇彰化縣秀水鄉頭前社區,有一陣阿媽,穿甲媠噹噹,跳舞的動作嘛誠扭掠,活力是袂輸予少年人。



詳細甲看覓,阿媽身軀上穿的衫誠特別,攏是用不要的報紙跟垃圾袋做的,有的人用塑膠袋子捲捲的綁做裙,有的人甲報紙編成帽仔,老大人穿in家己做的衫,在鏡頭前展現自信跟活力,行路攏有風。

==社區長輩==
用垃圾袋做的啦
穿起來感覺很好看
==社區長輩==
這些做很久
用報紙摺 再別成整件


為了予老大人,毋但活甲健康,嘛過甲真歡喜,頭前社區參加108年社區照顧關懷據點成果展比賽,老大人穿家己做的媠衫、跳古錐的舞,予他們提著最佳團體獎。

==頭前社區執行長 陳碧霞==
我們社區每年都有據點活力秀比賽
今年的話
因為大家都是跳舞還有一些其他活動
因為社區的長者都很活潑
所以我就想到用走秀來展示他們的活力


透過舉辦活動,鼓勵老大人行出來,逐家做伙動頭殼設計活動、振動跤手、嘻嘻嘩嘩,予逐工攏過甲真快樂。

記者 綜合報導

 

全台敬老金大調查

相關新聞