屏大透過VR科技 研發系統應用佇復建.環保


VR,就是掛一款特殊的目鏡,咱的眼前就會浮出,十三天地外,咱行袂著彼寡所在,種種的景緻。屏東大學近來和學校內底無仝科系的專家合作,研究出兩款VR的新系統,將這款上進步的科技,應用佇咧醫療和環保遮的方面。



====
坐佇機器馬頂懸,結合VR影像,就會當享受佇草原騎馬的感覺,毋但安全閣袂受著天氣的影響。這是屏東大學體感技術中心和國仁病院迒領域合作,同齊研發的VR騎馬復健系統。

==屏東大學資訊學院副院長 黃鎮淇==
真馬來講的話
牠本身來講 第一個牠成本很高
第二個的話
牠本身來講 會有一些危險性
所以我們是希望
用機器馬的部分來取代


這套VR騎馬復健系統,主要是希望會當用機器馬,代替目前用真馬所進行的馬術治療,結合虛擬實境和互動遊戲,予三十分鐘的療程變閣較趣味,希望增加患者復健的意願,提高復健的回診率。

==體驗者 蔡先生==
運動的部分大概是
腰部以上到頭部


除了VR騎馬復健系統,研發團隊閣設計VR水下互動系統,透過360度環景攝影機,佇小琉球的水域翕實景,閣透過抾糞埽的遊戲增加教育性和趣味性。

==屏東大學電腦與通訊學系學生 林士程==
用頭盔去抓垃圾
讓他們知道說
告訴使用者說 海裡的垃圾
其實就是跟這樣子差不多多
然後要好好保育生態
==屏東大學資管所學生 郭隆正==
透過這個設備可以去體驗說
真正去體驗海底的生態
然後去看這個很美的環境


屏東大學有全國上大的VAR體感技術中心,校方嘛講,會協助學生開發VR大型設備和系統,期待未來會當增加愈濟新科技應用佇生活的發明。

記者 綜合報導

 

全台敬老金大調查

相關新聞