來看羅東林業文化園區，因為遮的埤仔有浸柴，所以有真濟過冬鳥，攏會飛來遮歇冬，踮遮歇到明年2月。園區也特別提醒民眾，看鳥仔的時著細膩，盡量莫去攪擾著鳥仔的生活。



又閣到渡鳥來台灣過冬的季節囉！羅東林業文化園區的埤仔有浸柴，毋但是重要的林業歷史遺跡，嘛是濟濟鳥仔的天堂！來遮做客的鳥仔毋但有暗光鳥、水加令佮白翎鷥，徛佇埤仔四邊的步道，無定閣會當看著海徛仔佮躼跤仔。

===羅東林管處技士 曾怡頴===
讓大家可以更了解我們園區
每年會有哪些冬候鳥來訪
我們羅東自然教育中心
也在12月21號開辦了
池畔賞鳥趣的課程
那會教大家怎麼用望遠鏡
來觀察這些鳥類


為著欲予民眾閣較熟似渡鳥的種類，羅東自然教育中心拍算佇12月21辦看渡鳥的課程，教逐家愛按怎用召鏡觀察鳥仔，閣安排趣味的桌仔耍，予民眾那tshi迌，那了解鳥仔的特徵佮習性，開始觀察鳥仔的第一步。

===羅東林管處技士 曾怡頴===
也希望大家來園區
欣賞這些鳥類的同時呢
不要做出聲音去干擾牠們
也不要任意地餵食牠們
盡量就是讓牠們
以牠們原來的方式
在這裡度過冬天


遮的渡鳥佇羅東林業文化園區過冬，按算會歇到明年二月，羅東自然教育中心提醒民眾看鳥仔的時，著愛會記得，毋通佮鳥仔接觸、毋提物件予鳥仔食、莫共鳥仔嚇驚，講話嘛愛輕聲細說，慢慢毋通共渡鳥攪吵著。

綜合報導