冷氣團影響 下暗到明早起上寒 只賰12度


因為大陸冷氣團的影響,北部今仔日愈晏就會愈冷,氣溫會一直降到透暝。冷氣團上強的時陣,就是明仔透早進前。按算臺南以北,閣有宜蘭遐攏會落到12、3度。別位嘛干焦14度、15度這跤兜爾。

中央氣象局表示講,今仔日「大陸冷氣團」繼續落南,北部愈晏,就會愈冷,日時上懸,嘛才16至18度這縫。/另外,台灣各角頭,干焦高雄、屏東地,猶閣有26度,就連台中、台南,閣有花蓮、台東,溫度上懸,嘛干焦21到23度。/抑這葩冷氣團上強的時陣,就是明仔透早進前。/拍算台南以北,閣有宜蘭彼頭,攏會降甲12、3度,觀眾朋友,咱著穿較燒咧。/抑另外,今年第28个中度的風颱,名予做「北冕」,透早2點,是「行」佇咧「鵝鑾鼻東南爿」1千2百4十公里的海面頂頭,對「台灣」較無直接的影響。




綜合報導