對種芋仔到收成 德化國小學生一手包辦

大甲芋仔會使講是「名聲迵臺灣」,大甲社仔尾的德化國小學習在地的芋頭文化,對種作到收成攏是家己來,學會曉對土地的疼惜。



佇咧台中大甲、社仔尾德化國小內面,有一區芋頭田,是學生囡仔開10個月的時間,對種作到收成,攏是家己來。透過食農教育的過程,予學生了解,大甲芋仔是按怎來的。

==大甲德化國小學生==
大約十月
所以十個月後了
就會收成

==大甲德化國小學生==
拔雜草的過程中
很多人都一直蚊子叮
然後太陽又很大
我們大家都很累


大粒汗、細粒汗,這批拄對田裡挖起來、閣共臭孔削掉、共塗洗清氣,逐粒真抌斗,煮起來一定是鬆--鬆。毋過這寡芋仔,煞毋是學生囡仔家己欲食,是欲用義賣的方式來做公益。

==大甲德化國小校長 利佳龍==
義賣之前除了今天採收外
他們必須事前做一些功課
包含怎麼跟客人做推銷
必須在語文能力上做表達
還有寫一些文稿
他們出去也要做海報
在藝術與人文的部分也設計了海報


毋但學生囡仔學安怎推銷,閣愛共芋仔論斤秤兩去賣。義賣芋仔這項代誌,也佮人文藝術、數學、語文、社會關懷攏總相牽連。這寡義賣的錢,也會捐給社會福利團體來做公益。雖然收成的芋仔學生囡仔食袂著,毋過透過用心設計的食農課程,不只是種芋,也學著關懷社會的好出路。

記者 綜合報導