屏東萬丹陳氏洋樓過翻 成做社區新光點


屏東萬丹鄉社上村,遮一片古早厝,號做「陳氏的洋樓」,到今歷史有90冬。本底是已經荒佇咧遐,無啥人行跤到,毋過佳哉陳家下代仔,用心整理佮復原,今是又閣變做庄仔內,逐家行踏出入的好所在。


屏東萬丹鄉社上村的陳氏洋樓,整修了後變甲誠有氣勢。這棟番仔樓是用紅磚仔起的兩層樓,到今大概有90年的歷史,主體是中央的西式洋樓,兩爿閣加做中式低厝仔建築,頂面寫「大和」兩字,表示早前這是陳家經營雜細大賣的店頭。 曷若二樓用紅磚仔疊的字姓窗嘛真有意思。

==陳氏洋樓屋主 陳忠直==
(如果人家說房子很漂亮你覺得怎樣)
高興 很高興
==陳氏家族成員 陳保良==
我曾祖父的時候蓋的
一年多以前 剛好整修
前面一些周邊綠化工程
跟裡面本身 古厝的整修工程


陳掌因為做生理有趁錢,所以佇日治時期昭和四年起這間番仔樓。毋過,因為番仔樓歷史真久,真濟所在攏舊去,佳哉伊的乾仔孫陳武聰出錢翻厝,予這棟見證歷史發展的老厝,通繼續保存落來。

==萬丹鄉民 吳睿朋==
這個大和大庭院
對我們小時候的記憶
所以唯一的 在村裡廣播
今晚七點半
要來大和大庭院演布袋戲
我們就吃飽飯
洗澡洗一洗就趕快跑來


陳氏洋樓頭前的埕,往過是庄仔頭辦活動的所在,番仔樓翻好了後,予真濟萬丹的鄉親閣想起做囡仔時的記持。陳家的人嘛感覺真歡喜,in也希望這巴洛克(Baroque)風格的陳氏洋樓,會當成做社區新光點。

記者 綜合報導

 

九合一選戰解析

相關新聞