太魯閣號昨昏予斷去電車線摃著 車頭受損


臺鐵256次太魯閣號,昨昏半暝11點51分,佇落南經過花蓮和平站的時,予斷去的電車線摃著車頭,致使車頭受損、擋風玻璃碎去。

臺鐵車廂會當看著車頭明顯有受損的痕跡,擋風玻璃也碎去,臺鐵表示太魯閣號佇昨暗11點51分通過和平站的時,集電弓斷去、落落煞去纏著電車線,致使電力設備故障,東主、西主正線的電車線斷去,臺鐵緊成立一級應變小組搶修。敢是因為電車線,本身有問題才會斷去,目前猶咧調查。曷今仔日經過漢本到和平段的列車,改用柴電機車牽引,按算下暗9點應該會修理好。