2019諾貝爾醫學獎 英美3學者做伙提著

2019年諾貝爾醫學獎得主，佇臺灣時間、今仔日下晡五點半出來囉。美國哈佛醫學院教授威廉凱林、英國牛津大學的彼得拉特克里夫，以及美國約翰普金斯大學的葛雷格塞門薩，三位學者以人體細胞是按怎感應氧氣而且調整適應的相關研究共同得獎。


諾貝爾委員會秘書長佩爾曼佇宣讀記者會講著，氧氣的重要性早就通人知，毋過細胞是按怎適應氧氣的改變，一直攏無人知影，今年三位醫學獎得主發現著一个分子機制，會使按照無仝的氧氣水平調節基因來活動，他們的研究，會當用佇對抗欠血、腫瘤佮其他的疾病，開創著全新的治療方法。三人也會做伙得著大約臺票四千外萬的獎金。