普悠瑪案第2波行政處份 司機員予人罰上重
發布時間：
更新時間：
舊年臺灣鐵路局普悠瑪的列車反車，造成18个車頂的人客犧牲，交通部已經加重處份三个臺鐵前任的局長，抑鐵路局本身，嘛繼續公佈內部行政處份的名單。
名單內底，列車的司機尤振仲處份上蓋重，予人記一條大ai7過和兩條小過；抑運務處長本底是予人記一條申誡，這回加重處份，變做兩條申誡。／鐵路局是表示講，這回的行政處份，是針對各人相對等，愛擔當的行政責任落去裁判的，頭尾攏總有12名，你像講前任電務處長，毋單記過，閣調離開主管的職務，抑現任的電務處長，是記兩條申誡。／閣有前任的綜合調度所長、現任附業營運中心的總經理，是記一條申誡，抑台北機務段的工務員和技術助理，嘛攏有去記著申誡。
2022杭州亞運 台灣百金之路
