雲林麥寮拱範宮 按算熔金牌來做媽祖金身


有三百外年歷史的雲林麥寮拱範宮,共信徒寄付的金牌,攏總有兩千外塊共鎔做伙。廟方嘛按算欲打造一尊純金的媽祖金身來予民眾參拜。

工作人員用火佇金牌面頂四界來回燒,就是為著欲共雜質去掉。遮的攏是雲林麥寮拱範宮,開山媽祖的信眾拍來還願的金牌。到今已經有兩千外片,為著方便保存管理,廟方決定欲共鎔做伙。

==拱範宮副主委 林龍山==
我們麥寮拱範宮 已經整修完畢
我們上回開會
將我們信徒捐的金牌鎔在一起
比較好保管


信眾的寄託,廟方非常頂真,全程錄影,記錄處理遮的金仔的過程。主委表示,媽祖監督,請信眾放心。未來,廟方規畫欲用遮的信眾拍的金仔,打造出一尊金媽祖,予信眾參拜。廟方表示,信眾看著自己捐的金仔成做媽祖金身,應當會真感動。

==拱範宮主委 張克中==
我們的幹部都有在這裡
而且全程都錄影起來
這些都不會有誤失
請大家放心
我們有媽祖在監督
以後有計畫就是
用這些金子 來做一尊金媽祖


拱範宮是1685年起的,大部分都是木造建築,經過三百外冬,已經有漏水漚爛的現象,廟方向文化部爭取2800萬元經費,整修咧欲七冬,舊年完工。遮是地方重要的信仰中心。民眾的誠心就親像是黃錦錦的黃金遐爾純。

記者 綜合報導