用鴟鴞棲架推捒友善農業 保護環境生態


田園有鳥鼠、蟲害,免用藥仔毒。臺中霧峰用竹篙,做一个予鳥仔歇睏的架仔,烏翼鴟鴞就會佇頂頭歇睏,順紲替農民巡田。根據統計,一隻烏翼鴟鴞一冬會使掠差不多200隻鳥鼠。經過試驗效果真好,屏科大的研究團隊也欲來推廣,共田園的自然生態,揣倒轉來。


一隻「黑翅鳶」(烏翼鴟鴞oo-sit-bā-hio̍h)徛佇咧八公尺懸的棲架頂懸,向下底衝。對下跤的稻仔田,掠著鳥鼠,吃一頓粗飽。這支棲架,是水保局台中分局、屏科大所合作設置的,用一物剋一物自然生物防治方法,毋免放鳥鼠藥,就會使解決鳥鼠的災害。經過年外的試驗,台中霧峰的農民表示,幫助真大。

==霧峰農民 胡坤熹==
我覺得黑翅鳶來這裡 有再繁殖
三窩小鷹都有(養)成功
表示我們這邊老鼠的鼠害 很嚴重
(黑翅鳶)抓老鼠 對我們農民
我覺得幫助很大

根據屏科大的統計,1隻烏翼鴟鴞(oo-sit-bā-hio̍h)1冬,最多會當掠200多隻老鼠。掠鳥鼠兼趕粟鳥仔,等於是暝佮日攏佇咧守護田園。

==黑翅鳶研究小組召集人 林惠珊==
以前在五福社區這裡
它就是採用自然農法
那時候其實就有黑翅鳶了
但是黑翅鳶它要覓食的時候
必須得懸停 飛飛飛飛飛飛飛
很辛苦 看到一隻老鼠 再衝下去吃
我們現在透過這個
老鷹的棲架
它可以很輕易地站在上面 巡邏
那可以帶來給我們很安全的食物
給老鷹也帶來很安全的食物

舊年開始設置予鳥仔歇睏的架仔。一開始逐家攏懷疑,這敢有效?毋過,設置無偌久了後,發現生卵生幾若岫,遮成做是生湠的好所在。除了食肉的鴟鴞,其他食蟲的鳥仔,嘛會來鬥相共、除蟲害,攏是作穡人的好朋友。屏科大嘛陸續到各地,用鴟鴞棲架,來推捒友善農耕,把田園自然的生態,閣找轉來。

記者 綜合報導