埔里國小辦夏令營 予學生體驗鄉土文化


母語教學已經是目前的教育重點,埔里國小為著欲加強學生的母語教學,趁歇熱辦夏令營,毋但教學生講臺語佮客家話,嘛透過鄉土文化體驗課程,予學生囡仔會當閣較認捌臺灣佮客家族群的傳統文化。



老師真用心咧教學生囡仔講臺語佮客家話,逐家攏誠綿爛學。

干焦會曉講,當然無夠,為著予學生會當體會閣較深,老師閣安排實際操作的課程,予學生親身來做麵茶、擂茶,嘛學按怎紩客家花布袋仔。
==學生 莊信一==
平常的課就是拿著課本在上課
這邊就是有做美勞
很好玩
==學生 張瑜芯==
這一次是比較有趣 有些影片
讓自己可以更了解一些
客語的文化 學到如何做擂茶
還有一些手工藝品

埔里國小趁歇熱辦夏令營,開課教臺語佮客家語,教學內容用鄉土文化做主題,除了傳統的上課方式,嘛加入網路學習佮實作體驗,予學生那學母語,那認識咱的傳統文化。
==埔里國小校長 鐘森雄==
這個本土語言做元素
然後學習各項生活跟藝文
跟母語讓他們能夠生活化
增加他 書本以外
所沒有得到的一些知識

課程頭尾攏總十工,內容趣味閣活潑,佮傳統上課方式是真無仝款,學生囡仔是誠佮意,真向望逐冬歇熱佮歇寒攏會當有按呢的課程。

綜合報導