西南氣流滾絞 氣象局發布南.高雷公雨警戒


受西南風影響,中南部、臺東南爿,連相紲有短暫的陣雨,甚至閣會霆雷公,到今仔日透早,大雨嘛是無歇,氣象局已經針對臺南市、高雄市發布「會落雷公雨」即時警戒。


氣象局表示,燒空氣蒸懸、冷空氣降落8,這款對流定定會引起雷公爍爁,閣有臨時拚落來的大水雨,甚至有可能會絞大風,閣較食力就是落冰雹phauh8。/咱嘛著愛特別注意溪水漲起來,萬不二排水若閣醜者,四周圍就會淹im。抑嘛有氣象的專家指出講,這兩日仔的大雨,就是利奇馬風颱帶動的西南風,閣再加去予柯羅莎風颱加強落去,致使甲台灣中南部的外海水氣真厚,不時都有爍爁咧phiak8,甚至講會發展做絞螺仔風,觀眾朋友,咱逐家今著提高警覺。