南投中原部落引進無人機 作穡噴藥仔加方便


無人機毋但會使翕相,嘛會當幫農民鬥作穡。無人機應用佇農業,毋但省人工,閣會使大大提升農業生產的效率。南投仁愛中原部落,就有青年主動去引入無人機噴藥的技術,來到部落的長輩鬥相共,除了農藥用量較少,嘛會使避免老大人吸著農藥。這嘛是部落青年會當轉來家鄉做工課的機會。


無人機款款仔飛起來,佇半空中幫稻仔田噴農藥。這台無人機會當載10公升(lip)的藥仔,飛一趟大約噴三分地。無人機應用佇農業,毋但省人工,閣會使大大提升農業生產的效率。

==南投縣仁愛鄉中原部落農民 高山青==
十來年前的話
我們是全家出動
勞力 人力 物力
整個投入的時間會比
噴灑藥劑的時間
加了將盡快二十倍的時間


中原部落的農民許岱雷表示,遮是仁愛鄉上重要的稻米產區,猶不過少年一輩人口外流。誠多作穡人年歲攏真懸,不堪哩做粗重的工課。遮的青年農民觀察著這款情形,家己想辦法去學,引入無人機來鬥相共,除了農藥用量較省,嘛會使避免吸著農藥,減輕老大人的負擔。

==青農 許岱雷==
在部落幾乎就是看到長輩而已
有時候看到長輩在這邊噴藥
我們又擔心他中暑的問題
間接就跟同好 學習這個植保機的作業
我就想說能不能就 利用這個機會
可以讓他們減輕很大的作業的麻煩
==互助村長 梁文峰==
一人就可以操縱
確實是幫助了很多
(過程)也對人體 傷害也減少很多


無人機操作靠技術,事前準備嘛就愛功夫。部落老大人若是欲家己操作,可能有困難。無人機投入農業生產,這嘛是部落青年會當轉來家鄉做工課的好機會。

記者 綜合報導


 

2022杭州亞運 台灣百金之路

相關新聞