雲林豐榮國校 暑假開課培養學生藝術興趣


為著培養囡仔對藝術的興趣,雲林崙背鄉豐榮國小專工佇歇熱時安排課程,邀請做瓷仔的藝術家林炯宏,來教囡仔做貓頭鳥型的瓷仔。予囡仔了解製作過程,嘛會當培養學生的專注力佮耐心,包含環保意識,也通了解塑膠等等物質對大自然的傷害。



學生囡仔受老師指導,家己捏瓷仔塗、做造型,毋但趣味閣好耍,嘛予囡仔照自己的想法來發揮,創造家己的藝術品。這攏考驗創作者的耐心佮專注力。囡仔人嘛通佇課程內,體驗做瓷仔的精神佮文化,培養對藝術的興趣。

==學生 胡銘源==
陶藝課程讓我學到了
怎樣才可以把 把這些陶土
用最適合的力道
把它弄成最好的形狀

==學生 林浩偉==
要細心 也要用水把旁邊的縫隙弄好


豐榮國小推捒美學教育已經有一段時間矣,希望予學生囡仔會當多元發展,老師嘛佇課程加入環保觀念。予ﰀ了解仝款的物件若是用塗做,抑是用塑膠,對環境會有無仝款影響。

==陶藝創作師 林炯宏==
可以提供孩子更認識到
陶藝它所帶來的
環保的概念
比如說塑膠的東西
可以慢慢地減少使用


生活當中有真濟所在攏會用著瓷仔。這擺的課程,予囡仔人了解做瓷仔的過程,嘛培養ﰀ創造藝術的能力,快樂大漢。

記者 綜合報導