鄭南榕.詹益樺自焚30週年 辦攝影展紀念


今年是「自由時代」雜誌的發行人鄭南榕,佮台獨運動的志士詹益樺引火自焚30週年,鄭南榕基金會佮攝影的藝術家潘小俠合作舉辦展覽,用24幅黑白的相片,予咱倒轉去看拄才解除戒嚴彼跤兜,台灣的民主運動。


遮的相片是咧記錄30幾冬,台灣社會拍拚爭取民主化的過程/鄭南榕基金會望講,少年輩會用得經過展覽,進一步了解當東時一層過一層的社會運動/攝影的藝術家潘小俠就是佇1989年的3月尾,接著消息講警方圍踮「自由時代雜誌社」的門跤口,才緊拚過去,共決心家己關佇咧雜誌社內底的鄭南榕,拍落幾若張寶貴的相片。


 

全台敬老金大調查

相關新聞